پشاورمیں احمدیوں کے گھروں کو جلانے کی کوشش،پولیس نے 2 خواتین سمیت 5 احمدی افراد کو نامعلوم مقام پہنچادیا

پشاور(ربوہ ٹائمز) مقامی کالونی میں رات گئے مقامی افراد نے ایک شخص کے گھر پر دھاوا بول دیا تاہم پولیس نے موقع پر پہنچ کر حالات فیملی کے باپ بیٹوں سمیت پانچ افراد کو وہاں سے نکال کر محفوظ مقام پر پہنچا دیا ۔مشتعل افراد کی جانب سے ہوائی فائرنگ کے بعد پولیس نے آنسو گیس کا استعمال کرتے ہوئے مشتعل مظاہرین کو منتشر کرنے کی کوشش کی۔

گزشتہ شب تھانہ پھندو کے علاقہ چیئرمین دفتر کے قریب ہشتنگر کالونی میں پیش آنیوالے واقعہ میں مقامی رہائشی چند لڑکوں نے گھروں کی دیواروں پر پوسٹر لگائے اور محلے میں نعر ہ بازی کی، اس دوران وہاں کے ایک مقامی خاندان نے باہر آکر محلے کے لڑکوں کو نعرے بازی سے منا کیا اور کترار شروع کرہوگئی جس کے بعد دونوں کے مابین لڑائی جھگڑا بھی ہوا اور سیکڑوں کی تعداد میں مشتعل افراد نے گھروں سے نکل کر ا یک گھر کو آگ لگانے کیلئے اس کا گھیرائو کیا ۔اطلاع ملنے پر پولیس افسران اور پولیس کی بھاری نفری بھی موقع پر پہنچ گئی۔
تاہم اس معمولی بات کو مذہبی رنگ دے کر 15 سالہ بچے کی مدعیت میں احمدی افراد کیخلاف مذہبی مقدمہ درج کرلیا گیا ہے.