چنیوٹ:لوگوں کی جان ومال کی حفاظت کرنے والی چنیوٹ پولیس کی لیڈی کانسٹیبلان کیساتھ ڈکیتی کی واردات

چنیوٹ ( ڈسٹرکٹ رپورٹر )لوگوں کی جان ومال کی حفاظت کرنے والے خود لٹ گئے. شریف فیملی ریسٹورنٹ کے سامنے ڈکیتی کی واردات
.چنیوٹ عوام کا تحفظ کرنے والے خود لٹ گئیں. شریف فیملی ریسٹورنٹ کے سامنے سرے شام روڈ ڈکیتی. نوعمر ڈکیت فیمیل پولیس کانسٹیبلان سے پرس چھین کر فرار. تفصیلات کے مطابق تھوڑی دیر قبل شریف فیملی ریسٹورنٹ کے سامنے رکشہ میں سوار دو فی میل پولیس کانسٹیبلان آئسکریم لینے کے لیے رکی تھیں کہ موٹر سائیکل پر سوار دو نوعمر ڈکیت لڑکے انکا پرس چھین کر فرار ہوگئے. ہوٹل کا سیکیورٹی گارڈ منہ تکتا رہ گیا. فیمیل پولیس کانسٹیبل زینت نے بتایا کہ انہیں آج تنخواہ ملی تھی جو اس پرس میں موجود تھی. انکا کہنا ہے کہ پرس میں 60 ہزار روپے اور نوکیا موبائل موجود تھا.ڈکیت سیشن کورٹس کی طرف فرار ہوئے لوگوں نے پیچھا کیا مگر وہ کہیں دکھائی نہ دئیے. ضلع چنیوٹ میں بڑھتی چوری وڈکیتی کی وارداتوں سے لوگ خوفزدہ ہوچکے ہیں. موقع پر موجود لوگوں کا کہنا تھا کہ جہاں پولیس خود محفوظ نہیں وہاں عام شہریوں کے جان و مال کا تحفظ کیا ہوگا.