سعودی عرب: غیر شادی شدہ غیرملکی جوڑے ہوٹل میں کمرہ لے سکیں گے

Share
سعودی عرب: غیر شادی شدہ غیرملکی جوڑے ہوٹل میں کمرہ لے سکیں گے

ریاض (ربوہ ٹائمز)سعودی عرب کی نئی ویزا پالیسی کے تحت اب غیرشادی شدہ غیر ملکی جوڑے بھی ہوٹل کے کمرے حاصل کر سکیں گے جبکہ خواتین کو بھی ہوٹل کے کمروں میں اکیلے رہنے کی اجازت ہو گی۔

اس سے قبل، جوڑوں کو کمرے حاصل کرنے کے لیے شادی شدہ ہونے کے ثبوت فراہم کرنے پڑتے تھے۔

حکومت کا یہ اقدام ایک ایسے موقعے پر سامنے آیا ہے جب سعودی عرب میں سیاحت کی صنعت کے فروغ کے لیے اقدامات کیے جا رہے ہیں۔
ماضی میں جوڑوں کو شادی شدہ ہونے کے کاغذی ثبوت فراہم کرنے پڑتے تھے لیکن اب نئے قوانین کے مطابق غیر ملکیوں کے لیے اس حوالے سے نرمی کی گئی ہے۔

سعودی عرب کی کمشن برائے سیاحت اور قومی ورثہ نے ایک اعلامیے میں کہا ہے کہ 'ہوٹلوں میں رہائش پذیر ہوتے وقت تمام مقامی افراد سے ان کے خاندان اور رشتے کے حوالے سے شناخت طلب کی جاتی ہے۔'
تاہم 'اب سے اس پابندی کا اطلاق غیر ملکی سیاحوں پر نہیں ہو گا۔ تمام خواتین، بشمول سعودی خواتین ہوٹلوں میں اپنی شناخت فراہم کر کے اکیلے ہی کمرے حاصل کر سکیں گی۔'

ان نئے ویزا قوانین کے مطابق خاتون سیاحوں کو اپنے آپ کو مکمل طور پر ڈھانپنے کی پابندی بھی نہیں ہو گی تاہم ان سے باوقار لباس زیب تن کرنے کی توقع ضرور کی جائے گی۔

البتہ شراب پرپابندی لگی رہے گی۔
سعودی عرب کو ایک عرصے سے دنیا کی سب سے سخت گیر جگہ سمجھا جاتا تھا اس لیے یہ اقدامات غیر ملکی سیاحوں اور سرمایہ کاروں کے سامنے اس تاثر کو زائل کرنے کے لیے کیے جا رہے ہیں۔

سعودی ولی عہد محمد بن سلمان نے حال ہی میں اس قدامت پسند ملک میں متعدد تبدیلیاں لائی ہیں۔
ان تبدیلیوں میں خاتون ڈرائیورز پر ڈرائیونگ کے حوالے سے لگی پابندیوں کو ہٹانے کے علاوہ خواتین کو بغیر کفیل کے بیرونِ ملک سفر کرنے کی اجازت دینا شامل ہیں۔

لیکن دیگر انتہائی متنازع واقعات کے باعث یہ تبدیلیاں ماند پڑ گئیں ہیں۔ ان واقعات میں صحافی جمال خاشقجی کا قتل بھی شامل ہے۔

دی انڈیپینڈینٹ کے سینیئر ٹریول ایڈیٹر کا کہنا تھا کہ ویزا قوانین میں نرمی لانے سے سعودی عرب جانے والے سیاحوں کی تعداد میں یقیناً اضافہ ہو گا۔

انھوں نے بی بی سی کو بتایا کہ 'ویزا کے حصول میں آسانی پیدا کرنے کے باعث ان سیاحوں کی تعداد میں فوری اضافے کی توقع کی جا سکتی ہے جو عرب دنیا اور اس کے ورثے میں دلچسپی رکھتے ہیں۔'

Read more

احمدیوں کو مساوی حقوق فراہم کیے جائیں، اقوام متحدہ کا پاکستان سے مطالبہ

احمدیوں کو مساوی حقوق فراہم کیے جائیں، اقوام متحدہ کا پاکستان سے مطالبہ

جنیوا — اقوام متحدہ کے انسانی حقوق کے ماہرین نے 7 ستمبر کو پاکستان پر زور دیا کہ وہ احمدیہ مسلمان کمیونٹی کے خلاف ہونے والے امتیازی سلوک، تشدد اور قانونی پابندیوں کی اطلاعات پر توجہ دے۔ ماہرین نے پاکستانی حکومت سے مطالبہ کیا کہ وہ اس کمیونٹی کے تحفظ کو

By ویب ڈیسک
اسرائیلی احمدیہ رہنما کا عرب جماعتوں کو حکومت میں شامل کرنے کا مطالبہ

اسرائیلی احمدیہ رہنما کا عرب جماعتوں کو حکومت میں شامل کرنے کا مطالبہ

اسرائیل کی احمدیہ مسلم کمیونٹی کے سربراہ محمد شریف عودہ نے امید ظاہر کی ہے کہ آئندہ حکومت میں عرب جماعتوں کو شامل کیا جائے گا، لیکن انہوں نے کہا کہ موجودہ سیاسی ماحول کے پیش نظر وہ زیادہ پرامید نہیں ہیں۔ "اسرائیل کے آزادی کے اعلان میں کہا

By ویب ڈیسک
جرمن کمشنر کا دورہ پاکستان: احمدیوں کےخلاف آئینی امتیازپراظہار تشویش

جرمن کمشنر کا دورہ پاکستان: احمدیوں کےخلاف آئینی امتیازپراظہار تشویش

ٹامس راخل، جرمنی کی وفاقی حکومت کے کمشنر برائے مذہبی آزادی اور آزادیٔ عقیدہ، نے پاکستان کا دورہ کیا تاکہ مذہبی رہنماؤں سے ملاقات کریں اور مذہبی آزادی کو درپیش رکاوٹوں پر بات چیت کریں۔ اپنے دورے کے دوران، راخل نے مختلف مذاہب کے رہنماؤں سے ملاقات کی تاکہ مکالمے،

By ویب ڈیسک
ملائیشین حکام احمدیہ تعلیمات کے پھیلاؤ کی نگرانی کے لیے متحرک

ملائیشین حکام احمدیہ تعلیمات کے پھیلاؤ کی نگرانی کے لیے متحرک

کوالالمپور— ملائیشیا میں حکام احمدیہ یا قادیانی تعلیمات کے پھیلاؤ کو روکنے اور اس کی نگرانی کے لیے اقدامات جاری رکھے ہوئے ہیں، حالانکہ ان کے سرگرمیوں کی پیچیدگیوں کے باعث مشکلات درپیش ہیں۔ سلانگور حکومت، محکمہ اسلامی امور سلانگور (JAIS) کے تعاون سے، خاص طور پر گومبک میں واقع

By ویب ڈیسک